Selamat Nyambut Hari Gawai Dayak 2011

Oooha....oooooha...oooooha... Gayu Guru Gerai Nyamai lantang belama ia..aku nemu nuan bisi ba tengah-tengah kami, taja enda dipeda tang nuan endang semapai sereta kami belama ia..sekali agi aku minta ari nuan tuhan ngiring miching sereta nelentang ka jari nuan lalu merekat semua kami sekaban ti endang seruran nitih ka peneka nuan..amin

Aku ngari ka kami sebilik nusun jari sepuluh minta ampun ari ujung buk sampai ka tapa kaki enti nyema bisi kelanjur jari kelanjur kaki, kelanjur jaku ketegal dilah pabu, kelanjur telah nyangka dilah gerah.  Nyerumba gawai tu mega aku besampi ngagai semua kaban ka bisi ngelawa blog tauka facebook aku semua ngambika sama gerai nyamai magang lalu pia mega ngajih ka taun ti ka datai tu ila mai maioh agi pengelantang sereta murah jereki.  Badu agi ingat sereta nunda pengawa ti udah lalu, berengkah enggau langgur sereta julok ati ti baru nuju pemansang ngagai pengidup diri sebilik ti menyana agi.

Terima kasih ka sukung enggau saut ari bala kaban semua, semua ti manah ari tuhan magang lalu sama-sama meh besampi ka pengerai enggau pemujur kitai semua.

Terima Kasih

Ari : Difison & Family